Әйелдерге арналған киім, аяқ киім және аксессуарлар шығаратын ресейлік CHARUEL бренді Қазақстандағы дамуын жалғастырып, Алматыда жаңа дүкен ашады. Ауданы 277 шаршы метр болатын жаңа кеңістік Dostyk Plaza сауда-ойын-сауық орталығының бірінші қабатында орналасады. Дүкеннің ашылуы 2026 жылдың шілде айына жоспарланған. Жалға алу мәмілесінің кеңесшісі NF GROUP компаниясы болды.

Жаңа дүкен брендтің Алматыдағы екінші нүктесі болады. CHARUEL-дің қаладағы алғашқы дүкені 2025 жылдың қыркүйегінде ашылған еді. Осылайша, бір жылға жетер-жетпес уақыт ішінде бренд Орталық Азиядағы негізгі нарықтардың бірі саналатын Қазақстандағы қатысу ауқымын кеңейту туралы шешім қабылдады.

CHARUEL нарықта 30 жылға жуық уақыт жұмыс істеп келеді және Ресей мен ТМД елдерінде 60-тан астам дүкенді біріктіретін желіні дамытып отыр. Бренд ассортиментіне әйелдер киімі, аяқ киім және аксессуарлар кіреді.

NF GROUP компаниясының сауда жылжымайтын мүлік департаментінің өңірлік директоры Евгения Хакбердиеваның айтуынша, Алматыдағы екінші дүкеннің ашылуы брендтің өңірдегі жүйелі дамуға көшкенін көрсетеді.

«Dostyk Plaza-да орналасу CHARUEL брендіне Қазақстандағы позициясын нығайтуға, қаланың жетекші сауда нысандарының бірінен орын алуға және киім, аяқ киім мен аксессуарлар санатындағы аудитория арасындағы танымалдылығын арттыруға мүмкіндік береді», – деді ол.

CHARUEL бренд-директоры Екатерина Васильеваның сөзінше, Қазақстан компанияның дамуындағы маңызды бағыттардың бірі болып қала береді.

«Алматыдағы екінші дүкеннің ашылуы брендтің қаладағы қатысуын кеңейтіп, коллекцияларымызды жаңа аудиторияға ұсынуға мүмкіндік береді. Біз әрбір бөлшегі бренд философиясын көрсететін әрі келушілерге барынша жайлы атмосфера қалыптастыратын кеңістіктер құруға ұмтыламыз. Dostyk Plaza біздің позициялауымызға толық сәйкес келеді және брендпен танысуға қолайлы орта қалыптастыруға мүмкіндік береді», – деді Екатерина Васильева.

Алматының орталық бөлігінде орналасқан Dostyk Plaza сауда-ойын-сауық орталығы fashion-ретейлді дамытуға арналған ең сұранысқа ие алаңдардың бірі болып саналады. CHARUEL-дің жаңа дүкені орталықтағы брендтер қатарын толықтырып, киім, аяқ киім және аксессуарлар сегментіндегі ұсынысты күшейтеді.