Франциялық гастрономиялық Gault&Millau гиді Алматыда ресми түрде өз жұмысын бастады, деп хабарлайды Forbes Kazakhstan.

Алматы мен халықаралық мейрамханалық гид арасындағы серіктестік қаланың мейрамхана индустриясы мен туристік тартымдылығын дамытуға елеулі әсер етуі мүмкін, деп әкімдік мәлімдеді.

Мұндай деңгейдегі гид алғаш рет Орталық Азия нарығына шығып, халықаралық қауымдастыққа өңірдің жергілікті гастрономиясын, аспаздарын және мейрамхана мәдениетін таныстырып отыр.

Алматы әкімдігінің мәліметінше, бұл оқиға тек қала үшін ғана емес, бүкіл Орталық Азия үшін де стратегиялық маңызға ие.

Туризм басқармасының айтуынша, Gault&Millau-дың келуі Алматының әлемдік гастрономиялық экожүйеге интеграциялануын білдіреді, онда жоғары асүй мен гастрономиялық туризм трендтері қалыптасады.

Gault&Millau — француз аспаздық гиді, оны сыншылар Анри Го мен Кристиан Мийо құрған және ол әлемдегі жоғары асүй индустриясының негізгі бағыт-бағдарларының бірі болып саналады.