Saks Global компаниясы АҚШ-тағы Chapter 11 рәсімі аясында қаржылық қайта құрылымдау процесін бастағанын хабарлады — бұл механизм бизнеске операциялық қызметті тоқтатпай, қарыздық міндеттемелерін қайта қарауға мүмкіндік береді. Бұл жаңалық нарық қатысушылары мен бренд клиенттерінде сұрақтар туындатты.
 
Осы жағдайды талдау барысында Forbes Kazakhstan редакциясы 2012 жылдан бері брендті Қазақстанда таныстырып келе жатқан Viled Group компаниясына түсініктеме алу үшін жүгінді. Viled Group өкілдері Америка тарапындағы қаржылық құрылымдағы өзгерістер Қазақстандағы дүкендердің жұмысына әсер етпейтінін атап өтті.
 
Компанияның мәліметінше, Chapter 11 процедурасы ірі халықаралық ритейлерлер үшін кең таралған тәжірибе болып табылады және сауда нүктелерін жабуды немесе жеткізілімдерді тоқтатуды көздемейді. Saks Global өз жұмысын штаттық режимде, офлайн-дүкендер мен онлайн-платформаны қоса алғанда, жалғастыруда.
 
Viled Group сондай-ақ, Алматыдағы Esentai Mall-да орналасқан Saks Fifth Avenue әмбебап дүкені 2022 жылы жаңартылған, 2032 жылға дейін жарамды лицензиялық келісім аясында жұмыс істеп тұрғанын нақтылады. Жергілікті бизнес толықтай дербес басқарылады және АҚШ-тағы бас компанияның ағымдағы қаржылық процестеріне тәуелді емес. Компания барлық негізгі операциялық шешімдер — ассортиментті қалыптастыру, баға саясаты, клиенттерге қызмет көрсету және адалдық бағдарламалары — Қазақстандағы команданың жауапкершілігінде екенін атап өтеді. Viled Group өкілдерінің айтуынша, бұл жұмыстардың тұрақтылығын және клиенттер үшін болжамдылықты қамтамасыз етеді.
 
Осылайша, Forbes Kazakhstan редакциясы алған түсіндірмелерге сүйене отырып, қазіргі уақытта Қазақстандағы Saks Fifth Avenue дүкендерінің жұмысында өзгерістер болады деп күтуге негіз жоқ.
 
Дереккөз: http://forbes.kz/articles/v-kazahstane-prokommentirovali-restrukturizatsiyu-saks-global-2e6cfc