Алматыда 23-ші «Мир торговли» Халықаралық конвенті аяқталды — бұл бөлшек сауда желілерін, жеткізушілерді, өндірушілерді, сауда жылжымайтын мүлік девелоперлерін және технологиялық компанияларды біріктірген аймақтағы ең ірі салалық оқиға. 2026 жылғы 28–30 мамыр аралығында конвент жұмысына жиырма елден — Қазақстан, Ресей, Түркия, Қытай, Армения, Беларусь, Германия, Грекия, Үндістан, Иран, Испания, Италия, Қырғызстан, БАӘ, Украина, Франция, Швейцария, Әзербайжан, Грузия және Тәжікстаннан — бөлшек сауда нарығының 487 маманы қатысты.

Конвенттің басты практикалық форматы « Сатып алу орталығы “Мир торговли”» болды. Мұнда жеткізушілер сегіз елдің — Қазақстан, Ресей, Өзбекстан, Тәжікстан, Қырғызстан, Әзербайжан, Грузия және Беларусьтің — ірі сауда желілерінің сатып алушыларымен тікелей кездесті. Үш күн ішінде барлығы 5550 B2B-келіссөз өтті; қатысушылардың алдын ала бағалауынша, олардың қорытындысы бойынша жүзге жуық келісімшарт жасалуы мүмкін.

Іскерлік бағдарлама заманауи бөлшек сауданың негізгі мәселелеріне арналды. Қатысушылар Орталық Азия нарығы туралы жаңа деректерді, тұтынушылық мінез-құлықтың өзгеруін, FMCG және non-food бөлшек сауданың дамуын, ассортиментті басқаруды, автоматтандыруды, цифрландыруды және AI-құралдарын қолдануды талқылады. Жеке блок желілер мен жеткізушілер арасындағы диалогқа арналды: коммерциялық шарттар, сапа мен жеткізу стандарттары, баға белгілеу, сондай-ақ FMCG-жеткізушілердің Орталық Азия мен Еуразия желілеріне шығуының практикалық жолдары қарастырылды.

Бағдарламада сауда жылжымайтын мүлік девелоперлері мен non-food сегментіндегі жалдаушылардың пікірталасы да елеулі орын алды. Әңгіме трафиктің жаңа логикасы, сауда орталықтарының дамуы және заманауи сауда ортасын қалыптастырудағы жалдаушылардың рөлі туралы болды. 

Электрондық коммерция блогында қатысушылар онлайн және офлайн арналардың арақатынасын талқыласа, AI-секциясында жасанды интеллектінің мүмкіндіктерінен гөрі біртұтас клиенттік жол, тұтас деректер және шешімдердің операциялық орындалуы қажеттігіне көбірек тоқталды.

Бағдарламаның практикалық құндылығын қатысушылардың өздері де атап өтті.

«Ритейлерлер мен девелоперлердің осындай іс-шараларда кездесіп, ағымдағы үрдістер мен жоспарларды тұтастай талқылауы өте пайдалы», — деді Сагыныш Қуанышбекова, MOSKVA СОО бас директоры (Қазақстан).

«Күтілгендер тұтастай ақталды. Желілердің жеткізушілермен тәжірибе бөлісуге және байланысқа дайын бірінші басшылары қатысып отыр. Бұған қоса, сатып алу сессиясында келіссөздер көп болды», — деп толықтырды Сергей Илюха, бизнес-тренер, Ресей ритейл нарығы сарапшыларының қауымдастығы (РАЭРР) басқарма мүшесі.

Конвенттің үшінші күні қатысушылар үшін заманауи FMCG-бөлшек сауданың жаңа форматтарына — Small Food, SPAR Kazakhstan және Magnum дүкендеріне экскурсия ұйымдастырылды. Олар аймақтарға бөлу, автоматтандыру және сөре кеңістігін ұйымдастыру қағидаларымен танысып, желі басшылығымен ынтымақтастық мүмкіндіктерін талқылады.

Келесі  24-ші «Мир торговли» конвенті 2026 жылғы 15–17 қазанда Алматыда өтеді.